पोखरा फाइनान्सको एफपिओको बिक्री खुल्यो

पोखरा फाइनान्सले साउन २९ आईतबारदेखि एफपिओ बिक्री खु्ला गरेको छ । कम्पनीले प्रतिकित्ता एक सय रुपैयाँ अंकित मूल्यमा १२० रुपैयाँ प्रिमियम थप गरी २२० का दरले ९ लाख ८३ हजार ६८२ कित्ता एफपीओ निष्कासन गरेको हो ।

फाइनान्सको सेयर बिक्री प्रबन्धकमा एनआईबिएल क्यापिटल मार्केट रहेको छ । लगानीकर्ताले आस्बा अनुमति पाएका सम्पूर्ण बैंक तथा वित्तीय संस्थाबाट एफपिओमा आवेदन गर्न सक्नेछन् ।

एफपिओमा न्यूनतम १० कित्तादेखि अधिकतम ४ हजार ९ सय कित्तासम्म आवेदन दिन पाइनेछ । अहिले दोस्रो बजारमा फाइनान्सको प्रतिकित्ता सेयरमूल्य २५२ रुपैयाँको हाराहारीमा रहेको छ ।

हाल फाइनान्सको चुक्ता पूँजी ५५ करोड ७४ लाख रुपैयाँ छ ।  एफपिओ बिक्रीपछि फाइनान्सको चुक्ता पूँजी ६५ करोड ५७ लाख पुग्नेछ । फाइनान्सले गत आर्थिक वर्षको चौथो त्रैमासमा ८ करोड ७७ लाख रुपैयाँ खुद नाफा कमाएको छ । कम्पनीको प्रतिसेयर आम्दानी १५ रुपैयाँ ७४ पैसा छ भने प्रतिसेयर नेटवर्थ १३८ रुपैयाँ ५० पैसा छ ।

कम्पनीले संस्थापक तथा साधारण सेयरको अनुपात ५१:४९ कायम गर्न  एफपिओ जारी गरेको हो ।

एफपिओ जारी गरेपछि कम्पनीले कायम हुने पूँजीको १५ प्रतिशत हकप्रद बिक्री गर्ने प्रस्ताव समेत २० औ बार्षिक साधारणसभाबाट पारित गराईसकेको छ । हकप्रद पश्चात कम्पनीको पूँजी ७५ करोड नाघ्नेछ ।

चालु आर्थिक बर्षको बोनसबाट कम्पनीले ८० करोड चुक्तापूँजी पुर्याउने योजना बनाएको छ ।

प्रतिक्रिया दिनुहाेस्

Be the first to comment on "पोखरा फाइनान्सको एफपिओको बिक्री खुल्यो"

Leave a comment

Your email address will not be published.


*